09.05.2020: Amakuru mashya kuri Coronavirus mu Rwanda

Imibare ya Minisiteri y’ubuzima yo kuri uyu wa Gatandatu tariki 9 Gicurasi 2020, irerekana ko mu Rwanda habonetse abantu barindwi basanganywe Coronavirus mu bipimo 1198 byafashwe, bituma umubare w’abanduye ugera kuri 280, mu gihe abasezerewe mu bitaro bo biyongereyeho bane baba 140.

Kuva umurwayi wa mbere wa COVID-19 iterwa n’agakoko ka Coronavirus agaragaye ku butaka bw’u Rwanda, hamaze kuboneka abantu 280 bayanduye mu bipimo 41 385.

Ku wa 14 Werurwe 2020 nibwo u Rwanda rwemeje ko umurwayi wa Mbere wa Coronavirus yageze mu gihugu, yari Umuhinde wari uturutse mu Mujyi wa Mumbai.

Mu basanganywe Coronavirus uko ari 280, muri bo 140 barasezerewe nyuma yo gusuzumwa bagasangwa nta bwandu bagifite.

Abanduye ni 280 (barimo barindwi bashya)

Abakize ni 140 (barimo bane bashya)

Abakirwaye ni 140

Nta muntu uritaba Imana

Ibipimo bimaze gufatwa ni 41 385 (birimo 1198 bishya)

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Ishami ry’Umuryango w’Abibumbye ryita ku Buzima (OMS) ryemeje ku wa 11 Werurwe 2020 ko Coronavirus ari icyorezo cyugarije Isi bitewe n’ubwiyongere bw’abayandura.

@igicumbinews.co.rw