13.07.2020: Amakuru mashya kuri Coronavirus mu Rwanda
Minisiteri y’Ubuzima iratangaza ko kuri uyu wa Mbere tariki 13 Nyakanga 2020 mu Rwanda habonetse abarwayi bashya 41 ba COVID-19.
Abo barwayi 41 babonetse mu bipimo 3,333, abamaze kuboneka mu Rwanda banduye icyo cyorezo bose hamwe baba 1,378.
Minisiteri y’Ubuzima yasobanuye ko abo barwayi bashya 41 barimo 22 babonetse i Kigali bakaba barimo itsinda riri mu kato ryitabwaho by’umwihariko.
Abandi umunani babonetse i Nyabihu bakaba barimo itsinda ry’abafungiye muri za kasho, i Nyamasheke haboneka batandatu, naho i Rusizi haboneka batanu.
Abantu 26 mu bari barwaye bakize kuri uyu wa Mbere, abamaze gukira bose hamwe baba 710, naho abakirwaye ni 664.
Abamaze kwicwa n’icyo cyorezo mu Rwanda ni bane.
Minisiteri y’Ubuzima isaba abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
@igicumbinews.co.rw
