18.01.2021: Amakuru mashya kuri Coronavirus

Minisiteri y’Ubuzima (MINISANTE) yatangaje ko ku wa Mbere tariki 18 Mutarama 2021, mu Rwanda abantu bane bitabye Imana bishwe na COVID-19.

Abishwe na COVID-19 ku wa Mbere ni abagabo bane b’imyaka 79 i Huye, 78, 61 na 33 i Kigali.

Bahise buzuza umubare w’abantu 146 bamaze kwicwa n’iki cyorezo kuva cyagera mu Rwanda muri Werurwe 2020.

Minisiteri y’Ubuzima kandi yatangaje ko ku wa Mbere mu Rwanda habonetse abantu bashya 227 banduye COVID-19, naho 49 mu bari barwaye bakize.

Abo barwayi bashya 227 babonetse mu bipimo 2,950 bakaba barimo ababonetse i Kigali: 139, Kirehe: 20, Huye: 11, Gatsibo: 9, Gicumbi: 8, Rulindo: 7, Musanze: 7, Gisagara: 5, Nyanza: 5, Rubavu: 4, Ruhango: 3, Nyamasheke: 3, Nyamagabe: 2, Muhanga: 1, Kamonyi: 1, Karongi: 1, Kayonza: 1.

Kugeza ku wa Mbere, mu Rwanda abari bamaze kwandura icyo cyorezo ni 11,259 muri bo abamaze gukira ni 7,412 naho abakivurwa ni 3,701.