29.08.2020: Amakuru mashya kuri Coronavirus mu Rwanda
Minisiteri y’Ubuzima yatangaje ko abantu 101 basanzwemo icyorezo cya COVID-19 mu masaha 24 ashize, bituma abamaze gusangwamo ubwo burwayi mu Rwanda baba 3843.
Imibare yatangajwe kuri uyu wa Gatandatu igaragaza ko abasanzwemo uburwayi barimo 65 b’i Kigali bapimwe mu masoko, 27 b’i Rusizi bapimwe mu bibasiwe kurusha abandi, 4 b’i Rubavu, 3 b’i Gisagara, umwe w’i Muhanga n’umwe w’i Karongi.
Aba barwayi bashya babonetse mu bipimo 6163 byafashwe, bituma ibipimo bimaze gufatwa byose hamwe biba 399 400.
Mu bamaze gusangwamo COVID-19 mu gihugu, nibura 50% bamaze gukira basubira mu buzima busanzwe kuko ari 1904, barimo 39 bakize uyu munsi. Abakirwaye ni 1923.
Abamaze guhitanwa n’ubu burwayi ni 16, bangana na 0.4% by’abarwayi bose.
Abamaze kwandura COVID-19 bageze ku 3843 nyuma y’abarwayi 101 babonetse kuuri uyu wa Gatandatu
@igicumbinews.co.rw
About The Author
