Part 2: Shampiyona y’ubwongereza y’uyu mwaka ikuweho ni iyihe ikipe yabihomberamo n’iyabyungukiramo?

Dukomeje kubagezaho amakipe ashobora kunguka cyangwa guhomba mu gihe Shampiyona y’u Bwongereza yaba ihagaze cyangwa igakurwaho kubera Coronavirus.

NORWICH: iri ku mwanya wa nyuma ku rutonde rwa shampiyona ikaba ibura amanota atandatu kugira ngo ibe yaba iri mu myanya y’umutekano aho yakwizera ko itamanuka mu kiciro cya kabiri, bikaba byanatuma igumana abakinnyi bayo bayifitiye akamaro nka Toddy Cantwell, Teemu Pukki, Emi Bueindia na Max Aarons, bivuze ngo iyi nayo yakungukira mu guhagarara kwa shampiyona.

ASTON VILLA: iyi kipe ikinira ku kibuga Villa Park nayo yakungukira mu guhagarara kwa shampiyona y’Ubwongereza, kuko kuri ubu iri ku mwanya wa 19 n’amanota 25. Shampiyona iramutse ihagaze ntizongere gukinwa byatuma iyi kipe itamanuka mu kiciro cya kabiri, bakazatangira umwaka ukurikira w’imikino, baragaruye abakinnyi babo bari mu mvune nka Tom Heaton, John McGinn na Wesley bafite imvune zigihe kirekire batabasha gukina shampiyona iramutse ikomeje, cyane ko iyi kipe yari iri mu bihe bibi aho iherutse gutakaza imikino yayo ine iheruka muri iyi shampiyona.

BOURNEMOUTH: iyi ni indi kipe yakungukira mu guhagarara kwa shampiyona y’Ubwongereza. Ni ikipe ihora iri mu bihe bibi, aho ihora irwanira kutamanuka mu kiciro cya kabiri, kuva yaza muri iyi shampiyona mu mwaka wa 2015. Ni ikipe yabonye inota rimwe mu mikino ine iheruka yakinnye muri iyi shampiyona, ikaba ifite abakinnyi bafite imvune z’igihe kirekire nka David Brooks, Josh King, Charlie Daniels, Steve Cook na Simon Francis ni bamwe mu bakinnyi umutoza Eddie Howe adafite kandi babanza mu kibuga.

WATFORD NA WEST HAM: izi nazo ni ikipe ziri ahantu habi kuko, ziranganya amanota na Bournemouth, ikizitandukanya ni umwenda w’ibitego zifite. Watford iri ku mwanya wa 17 n’amanota 27, niyo kipe yabashije gutsinda Liverpool yari imaze igihe kinini idatsindwa, gusa nubwo bimeze gutya nayo yakwishimira ko shampiyona y’Ubwongereza yasubikwa, ikazakinwa undi mwaka.

West Ham nayo iri mu bihe bibi, kuko ifite umwenda w’ibitego 15 aho iri ku mwanya wa 16 ikaba irushwa amanota 2 na Brighton, izi zose zikaba zakungukira mu kuba iyi shampiyona yahagarara.

Nubwo aya makipe ari mu myanya ya nyuma atakwishimira ko shampiyona yasubukurwa, hari andi makipe yo ari hagati ku rutonde rwa shampiyona. Uhereye ku ikipe ya Burnley iri ku mwanya wa 10, hagati aha harimo amakipe nka Crystal Palace (11), Everton (12), Newcastle (13), kugeza kuri Southampton iri ku mwanya wa 14.

nabo bakungukira ku isubikwa rya shampiyona y’Ubwongereza Premier League yari igeze ku munsi wayo wa 29, ariko hakaba hari amakipe atarakinnye uyu munsi wa 29, Aya ni Aston Villa, Arsenal, Sheffield United na Manchester City, izi nizo kipe zitarakina umukino wa 29.

Soma Inkuru yabanje bijyanye: