28.01.2021: Amakuru mashya kuri Coronavirus mu Rwanda

Minisiteri y’Ubuzima (MINISANTE) yatangaje ko ku wa Kane tariki 28 Mutarama 2021, mu Rwanda abantu batatu bitabye Imana bishwe na COVID-19.

Abishwe na COVID-19 ku wa Kane ni abagore babiri b’imyaka 78 na 30 i Kigali n’umugabo w’imyaka 62 i Rusizi.

Bahise buzuza umubare w’abantu 186 bamaze kwicwa n’iki cyorezo kuva cyagera mu Rwanda muri Werurwe 2020.

Minisiteri y’Ubuzima kandi yatangaje ko ku wa Kane mu Rwanda habonetse abantu bashya 363 banduye COVID-19, naho 192 mu bari barwaye bakize.

Abo banduye bashya 363 babonetse mu bipimo 5,024 barimo ababonetse i Kigali: 98, Gatsibo: 52, Kayonza: 51, Gicumbi: 21, Kirehe: 17, Ngoma: 15, Rubavu: 15, Gakenke: 12, Rulindo: 11, Rwamagana: 8, Kamonyi: 8, Nyamagabe: 8, Gisagara: 6, Nyagatare: 5, Ruhango: 5, Muhanga: 4, Nyamasheke: 4, Musanze: 4, Rusizi: 4, Burera: 4, Huye: 3, Nyanza: 3, Nyaruguru: 2, Karongi: 2, Ngororero: 1.

Kugeza ku wa Kane, mu Rwanda abari bamaze kwandura icyo cyorezo ni 14,529 muri bo abamaze gukira ni 9,234 naho abakivurwa ni 5,109.