Uganda yahakanye ko Museveni yakingiwe Coronavirus mu ibanga
Minisitiri w’ubuzima wa Uganda Jane Aceng yahakanye amakuru yuko abategetsi bo hejuru mu bagize guverinoma bahawe urukingo rwa Covid-19 mbere yuko iki gihugu cyakira inkingo ku mugaragaro.
Madamu Aceng yabivuze asubiza ku byatangajwe n’ikinyamakuru Daily Monitor cyo muri icyo gihugu, bikanatangazwa n’ikinyamakuru Wall Street Journal cyo muri Amerika.
Mu butumwa bwo kuri Twitter, minisiteri y’ubuzima ya Uganda yavuze ko yaba Perezida Yoweri Museveni cyangwa abari hafi ye nta n’umwe muri bo wakingiwe Covid-19 nkuko bivugwa.
Madamu Aceng yagize ati: “Ndashaka kuvuga nshimitse ko yaba Perezida Museveni cyangwa abari hafi ye nta n’umwe muri bo wakingiwe Covid-19”.
Kugeza ubu Uganda imaze gutangaza abanduye Covid-19 barenga 40,200, muri bo abarenga 300 yarabishe.
Iki gihugu kirimo kwitegura kwakira imfashanyo ya doze 100,000 z’urukingo rwa AstraZeneca zivuye mu Buhinde n’izindi doze 300,000 z’urukingo rwa Sinopharm rw’Ubushinwa.
Itariki izo nkingo zizatangirwaho ntabwo iratangazwa.
@igicumbinews.co.rw
About The Author
