Umuforomokazi yateye abantu barenga ibihumbi 8 serumu ababwira ko ari inshinge za Coronavirus
Inzego z’Ubuzima mu Budage zirashinja umuforomokazi gutera abantu inshinge zirimo serumu aho kubatera iza Coronavirus, amakuru akavuga ko zatewe abarenga ibihumbi 8.
Uhagarariye uyu muforomokazi mu mategeko, kuri uyu kane Tariki 12 Kanama 2021, yatangaje ko yabikoze kugirango aramire akazi ke.
Abayobozi bo mu karere ka Friesland, gahereye mu majyaruguru y’u Budage batangaje ko abantu 8,557, batewe serumu hagati ya Tariki 5 Weruwe na 20 Mata muri uyu mwaka baziko ari urushinge rwa Coronavirus ikabagwa nabi, bagasaba kongera gukingirwa.
Umunyapolitike wo muri ako gace witwa Sven Ambrosy yanditse kuri Facebook ye ko ababaye cyane. Ati: “Ibi bintu byanshavuje.”
Christoph Klatt, uhagarariye mu mategeko uyu muforomokazi w’imyaka 40, yabwiye ibiro ntaramakuru DPA, ko ayo makosa “Yayakoze inshuro imwe.”
Avuga ko icyabaye aruko yamennye uducupa twarimo umuti ujya mu urukingo rwa Coronavirus, kugirango aramire akazi ke agashyiramo serumu.
Gusa iperereza ryakozwe rigaragaza ko yateye serumu abaturage inshuro nyinshi, abamukuriye bakimara kubimenya bagahita bamwirukana.
Abakoze iperereza ntibamenye icyabimuteye, umunyamategeko we akanavuga ko ntaho byaba bihuriye na politike.
Kanda hasi ukurikire ibiganiro tukugezaho ku Igicumbi News Online TV:
https://m.youtube.com/watch?v=O7fOiKluQ1s
Abasaga 3,600 byagizeho ingaruka bahise basaba ko bongera gukingirwa, abandi 2,000 bahamagaye imirongo ya telefone rusange batangaho amakuru ya Coronavirus, babaza ibyabaye.
@igicumbinews.co.rw
About The Author
