Umunyamakuru wa TV1 Athanase Munyarugendo yakoze ubukwe

Kuri uyu wa gatandatu tariki ya 21 Gicurasi 2022, nibwo umunyamakuru wa TV1, Athanase munyarugendo ukorera mu ntara y’amajyaruguru na Abizerimana Goudula bakoze ubukwe mu birori byabereye mu mujyi wa Gicumbi, byatangijwe n’imihango yo gusaba no gukwa nyuma basezerana mbere y’Imana muri Pauwasi Cathederal ya Byumba.

Ni ubukwe bwitabiriwe n’abamyamakuru harimo n’abo bakorana Kuri TV1 ndetse n’abandi bakoranye nawe kuri Radio Ishingiro byumwihariko mu kiganiro Susuruka.

Ababwitabiriye bari bafite akanyamuneza dore bacinye akadiho babyina ikinimba karahava.

Reba Athanase arimo kubyina ikinimba:

Abanyamakuru bafashe ijambo bavuze ko Athanase Munyarugendo ari umunyamakuru urangwa no gukorana ubwitange yaba aho yabanje gukora kuri Radio Ishingiro ndetse n’aho akora kuri TV1.

Athanase yatangaje ko asigiye igifunguzo Alain Nisingizwe Jean Baptiste basanzwe bakorana kuri TV1 naho mu kiganiro Susuruka yakoragamo igifunguzo akaba yagisigiye Emmanuel Gatarara Ganza.