Super Cup: Police FC yegukanye igikombe itsinze APR FC

Police FC yegukanye igikombe gihuza ikipe yatwaye igikombe cya Shampiyona ndetse n’iyatwaye igikombe cy’Amahoro. Ni nyuma yo gutsinda APR FC kuri Penaliti kuko iminota 90 yari yarangiye amakipe yombi anganya 0-0.

Uyu mukino wabereye kuri Kigali Pele Stadium. Polisi yatsinze APR FC Penaliti 6-5. Abakinnyi ba Police FC batsinze penaliti 6 barimo Muhadjiri , Elijah, Nsabimana Eric, Mugisha Didier na Iradukunda Simeon ndetse Bigirimana Abedi wateye iya nyuma ari nayo yatanze intsinzi.

Ni mu gihe abakinnyi ba APR FC batsinze penaliti barimo Niyigena Clement, Mamadou Sy, Aliou Souane, Byiringiro, Gilbert, Pavel Nzdila gusa ntacyo byamariye APR FC kuko Dauda na Lamptey bazihushe bikabaviramo kubura igikombe.

Usibye Igikombe Police FC yegukanye inahembwe miliyoni 10 Frw, APR FC yo bayihaye Miliyoni 5 Frw.

@igicumbinews.co.rw

Kanda hasi ukurikire ibiganiro tukugezaho ku Igicumbi News Online TV: