USA:Umusaza yibye amafaranga muri Banki,ayajugunyira abantu ngo bizihize Noheri.

Umusaza w’imyaka 65 wo muri Colorado muri Amerika witwa David Wayne Oliver avugwaho kwiba amadolari muri banki ya Academy Bank tariki ya 23 Ukuboza 2019 yamara akayajugunya mu baturage abifuriza Noheli nziza.

Ibiro Ntaramakuru by’Abongereza (Reuters) bivuga ko David Wayne ufite ubwanwa bwinshi bw’umweru yakanze abo muri iyi banki, bagira ngo afite intwaro, gusa polisi ya El Paso muri Colorado ivuga ko ntayo yari afite.

Amafaranga yibye abarirwa mu madolari y’Amerika 10,000, yose yayabitse mu gakapu yari afite, ageze ahari abantu, atangira kuyajugunya mu kirere, ati: “ Noheli Nzia!”

David Wayne ubu ari mu maboko ya polisi muri El Paso, akaba arasomerwa urubanza kuri uyu wa kane tariki ya 26 Ukuboza 2019.

@igicumbinews.co.rw