Umuhanzi Fred agarutse mu isura nshya
Umuhanzi w’umunyarwanda uririmba indirimbo za gakondo Nteziyaremye Froduard uzwi nka Fred wamenyekanye mu bihangano bitandukanye birimo indirimbo ndetse no gukina Comedy, agarutse mu isura nshya aho agiye gushyira hanze Amashusho y’indirimbo aherutse gusohora zirimo iyitwa Turakundana.
Biragoye kumva uburyohe bw’indirimbo za Fred ngo ube wamenya Koko ko ari indirimbo za gakondo bitewe n’uburyo zibyinitse. Gusa uyu muhanzi kuri we ngo ni ubuzima yisanzemo kuko yabyirukiye mu muryango uzi kubyina ikinimba.
Ubwo Nteziyaremye Froduard uzwi nka Fred yavuganaga na igicumbinews.co.rw yavuze ko agarutse mu isura nshya nyuma yo kubura YouTube Channel ye. Ariko agaragaza ko atacitse intege ahubwo byamuhaye imbaraga zo gukomeza gukora.
Ati: “Ubu noneho ndatekereza ko ngiye kubaha amashusho ya za ndirimbo zakunzwe zirimo Turakundana hamwe n’Umugore ni Urugo. Ni mu minsi ya vuba zikaba zageze hanze. Nari nagize ikibazo cyatumaga ntakora gusa ubu nagarutse kandi mu isura ifite imbaraga ahantu hose. Icyo mbwira abanyarwanda ni bankurikire kuri YouTube Channel yanjye yaba abatuye mu Majyaruguru mvukamo cyangwa abatuye i Burasirazuba mbarizwa ubu.
Nteziyaremye Froduard yavukiye mu karere ka Rulindo, Umurenge wa Rukozo, akaba ari umwana wa cumi n’umwe mu bana cumi na babiri. Gusa bitewe n’ubuzima bushaririye yavukiyemo bikaba byaramuhaye imbaraga zo gukora aho kuri ubu atuye mu Karere ka Bugesera mu Murenge wa Nyamata.
Fred agananira na igicumbinews.co.rw. yagize ati: “Navukiye mu muryango bigoye gusobanura kuko navutse mu bana ba nyuma ariko nagerageje kuba umugabo ndakora ngo nzabashe gutunga umuryango ngire n’umusanzu ntanga ku gihugu cyange. Rero sinzacika intege ngomba gukora ku buryo bwose. Kandi nzabinyuza mu bihangano byanjye no gufasha abafite impano kuko nanabitangiye”.
Fred avuga ko mbere y’uko ashyira indirimbo ze z’amashusho hanze ndetse no gukora izindi. Kuri ubu yatangiye no gufatikanya n’abana bafite impano bo mu Karere ka Bugesera mu mu gukina filime zisetsa zimwe benshi bamenyereye nka comedy zizajya zitambuka kimwe n’ibindi bihangano bye kuri YouTube Channel ye yitwa FND TV Rw.
Emmanuel Niyonizera Moustapha/Igicumbi News
Kanda hasi ukurikire ibiganiro tukugezaho ku Igicumbi News Online TV:
About The Author
