Raheem Sterling uheruka kuvunika ntiharamenyekana igihe azagarukira mu kibuga
Umwongereza w’imyaka 25 Raheem Sterling yasohowe mu kibuga kubera imvune yo mw’ivi, ubwo Manchester City yatsindwaga na Tottenham ibitego bibri ku busa. City iri ku mwanya wa kabiri muri shampiyona y’Ubwongereza yemeje ko uyu musore bari bubanze kumunyuza mu cyuma kugirango barebe neza uburyo yavunitse.
Uyu mwaka w’imikino Sterling amaze gukina imikino 23 mu mikino 25 ikipe ya Manchester city imaze gukina muri shampiyona.
Guardiola avuga ku kibazo cye cy’imvune yagize ati:“Ni ikibazo kuba tutamufite, gusa twakinnye umwaka ushize tudafite Gundogan, none ubu turi gukina tudafite Aymeric Laporte uyu mwaka, gusa Sterling we yatangiye gukorana imyitozo na twe, aracyakeneye gufata umuvuduko n’icyizere, bikeneye igihe, muri rusange bikeneye ibyumweru.”
Amakuru meza kuri Manchester city nuko umukinnyi wabo unyura ku ruhande Leroy Sane yagarutse mu myitozo nyuma yo kugira imvune ikomeye yo mw’ivi, ubwo bakinaga na Liverpool mu kwezi kwa munani umwaka wa 2019.
@igicumbinews.co.rw
About The Author
