Nishimwe Naomie niwe wegukanye ikamba rya Nyampinga w’u Rwanda 2020 mu birori byamaze iminsi ibiri
Urugendo rumaze amezi asaga abiri rwo gushaka usimbura Nimwiza Meghan akaba Miss Rwanda 2020 rwasojwe mu birori byamaze iminsi ibiri kuko byatangiye k’umugoroba wo kuri uyu wa gatandatu bigasozwa mu gitondo cyo kuri iki cyumweru tariki 23 Gashyantare 2020 ikamba ryegukanwe na Nishimwe Naomi.
Iri kamba ryegukanwe na Nishimwe Naomi kuko yahize abandi bari barihataniye harebwe ku muco, ubwenge n’ubwiza. Uyu mukobwa yatangiye kwambikwa ikamba rugikubita bitewe nuko umuyobozi muri MTN yari amushigikiye kandi ari mu baterankunga b’Imena birushanwa.
Yambikiwe ikamba rya Miss Rwanda mu birori byabereye i Rusororo muri Intare Arena. Uyu mukobwa yahise anashyikirizwa imodoka nshya yo mu bwoko bwa Suzuki Swift 2019 ifite agaciro ka miliyoni 18 z’amafaranga y’u Rwanda.
Azahabwa umushahara w’ibihumbi 800 buri kwezi mu gihe cy’umwaka, yemerewe kandi kwivuza ku buntu ndetse no gusohokera muri Camellia agafata icyo ashaka mu gihe agifite ikamba.
Uyu mukobwa kandi yemerewe tike y’indege imujyana i Dubaï mu gihe cy’ibiruhuko ndetse nibyo azakenera akabihabwa.
Yemerewe kandi gukoresha imisatsi ku buntu , ibikoresho by’ubwiza, printing , kwambara ndetse no gufotorwa ndetse yanahise atsindira itike yo guhagararira u Rwanda muri Miss World.
Igisonga cya Kabiri cyabaye Umutesi Denise [No43] naho Igisonga cya mbere ni Umwiza Phionah .
Nishimwe Naomi kandi yahiriwe nirushanwa ry’uyu mwaka kuko yanabaye Miss uberwa n’amafoto (Miss Photogenic), uwakunzwe na benshi (Miss Popularity), Irasubiza Alliance [No11]; uw’Umuco (Miss Heritage), Teta Ndenga Nicole [No35] n’uwabaniye neza abandi (Miss Congeniality), Ingabire Diane [No7]
Mu bakobwa 400 bose bageze ahabereye ijonjora ry’ibanze, 54 gusa ni bo bemeje abagize akanama nkemurampaka bemererwa gukomeza mu cyiciro cya nyuma cyasize havuyemo 20 bagiye mu mwiherero w’ibyumweru bibiri wabereye muri La Palisse Hotel i Nyamata.
@igicumbinews.co.rw
About The Author
