Rusizi: Abagabo 40 batawe muri yombi bacyekwaho gusambanya abana bakabatera inda
Urwego rw’Ubugenzacyaha, RIB, kuri uyu wa Gatanu rwatangaje ko ku bufatanye n’izindi nzego z’umutekano, hafashwe abagabo 40 bakekwaho gusambanya abana b’abangavu bakabatera inda.
Ni igikorwa RIB yatangaje ko cyabereye mu mirenge yose igize Akarere ka Rusizi mu Ntara y’Iburengerazuba.
Mu butumwa yatangaje binyuze kuri Twitter, RIB yagize iti “Aba bose bakaba ubu bafungiwe kuri sitasiyo za RIB za Muganza, Nyakarenzo, Kamembe, Nyakabuye na Nkanka, mu gihe dosiye zabo zirimo gukorwa kugirango zishyikirizwe Ubushinjacyaha.
“RIB irongera kuburira abaturarwanda ko itazihanganira uwo ariwe wese wishora mu byaha byo gusambanya no guhohotera abana mu buryo ubwo aribwo bwose.”
@igicumbinews.co.rw
About The Author
