Rwanda: Uyu munsi abanduye Coronavirus ni 59
Amakuru atangwa na Minisiteri y’Ubuzima aragaragaza ko kuri uyu wa mbere tariki 22 Kamena 2020 mu Rwanda habonetse abarwayi bashya mirongo itanu n’icyenda (59) ba COVID-19.
Abo barwayi 59 babonetse mu bipimo 2,287 byafashwe kuri uyu wa mbere,
abamaze kuboneka mu Rwanda banduye icyo cyorezo bose hamwe baba 787.
Minisiteri y’Ubuzima iravuga ko abo barwayi bashya barimo abagaragaye i Kirehe (33), Rusizi(12), Kigali (7), Nyamasheke (4) n’i Rubavu (3).
Abantu cumi n’umwe mu bari barwaye bakize, abamaze gukira bose hamwe baba 370, naho abakirwaye ni 415.
Abamaze kwicwa n’icyo cyorezo mu Rwanda ni babiri.
Minisiteri y’Ubuzima isaba abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
@igicumbinews.co.rw
About The Author
