AMAFOTO: Abakinnyi n’abatoza b’Amavubi bapimwe Coronavirus

Kuri uyu wa gatanu, abakinnyi b’ikipe y’Igihugu AMAVUBI, bipimishije icyorezo cya COVID-19 mbere yo kwinjira mu mwiherero wo kwitegura CAPE VERDE mu rwego rwo gushaka itike yo kujya mu Gikombe cya Afurika 2022.

Bamwe mu bakinnyi bapimwe kuri uyu munsi mbere yo kwerekeza i Nyamata mu mwiherero barimo Kimenyi Yves, Aimable Nsabimana, Mico Justin,Nshuti Savio Dominique,Iradukunda Jean Bertrand, Faustin Usengimana, Sibomana Patrick “Pappy’’, kimwe na Rutanga Eric nabo bapimwe mbere yo kujya mu mwiherero.

Umutoza mukuru Mashami Vincent n’abamwungirije nabo bapimwe

Nyuma yo gupimwa COVID-19 abakinnyi bahise bapimwa ibiro mu rwego rwo kumenya uko imibiri yabo ihagaze mbere yo gutangira imyitozo. Ibi byose byabereye ku kicaro gikuru cya FERWAFA mbere yo kwinjira mu mwiherero i Nyamata.

Umutoza w’Ikipe y’igihugu “Amavubi”,Mashami Vincent yahamagaye abakinnyi 37 azitabaza mu mIkino 2 yo gushaka itike ya CAN 2022 izabera muri Cameroun, izakina na Cape Verde,kuwa Gatatu tariki ya 07 Ukwakira 2020.

Mu bakinnyi umutoza Mashami Vincent yahamagaye mu kwitegura umukino wa Cap Verde barimo Kevin Monnet Paquet ukinira ikipe ya Sainte Etienne mu cyiciro cya mbere mu Bufaransa.

Mu bandi bakinnyi Mashami yahamagaye bwa mbere harimo Rubanguka Steve ukinira ikipe ya A.E Karaiskakis yo mu Bugereki.

Cape Verde izakira u Rwanda mu mukino w’umunsi wa gatatu uteganyijwe ku wa 9 Ugushyingo mu gihe umukino wo kwishyura uzabera i Kigali ku wa 17 Ugushyingo 2020.

U Rwanda ni urwa nyuma mu itsinda F n’amanota 0, ni nyuma y’uko rutsinzwe na Mozambique ibitego 2-0 ndetse na Cameroun igitego 1-0 mu mikino ibiri imaze gukinwa, yombi yabaye mu Ugushyingo 2019.

Dore abakinnyi bose bahamagawe

Abanyezamu: Kimenyi Yves (SC Kiyovu), Kwizera Olivier (Rayon Sports), Ndayishimiye Eric (AS Kigali) na Rwabugiri Umar (APR FC)

Ba myugariro: Emery Bayisenge (AS Kigali), Manzi Thierry (APR FC), Rwatubyaye Abdul (Colarado Springs Switchbacks, USA), Nirisarike Salomon (Pyunick), Ombolenga Fitina (APR FC), Imanishimwe Emmanuel (APR FC), Eric Rutanga (Police FC), Mutsinzi Ange(APR FC), Rusheshangoga Michel (AS Kigali) na Rugwiro Herve (Rayon Sports)

Abakina Hagati: Bizimana Djihad (Waasland-Beveren, Belgium), Mukunzi Yannick (IF Sandvikens, Sweden), Haruna Niyonzima (Yanga SC, Tanzania), Niyonzima Olivier (APR FC), Muhire Kevin (El Gaish, Egypt), Ally Niyonzima (Azam FC, Tanzania), Nshuti Dominique Savio(Police FC),. Ngendahimana Eric (Kiyovu), Twizerimana Martin Fabrice (Police FC), Nsabimana Eric Zidane (AS Kigali), Manishimwe Djabel(APR FC), Niyomugabo Claude (APR FC) na Rubanguka Steve (A.E. Karaiskakis FC)

Ba rutahizamu: Meddie Kagere (Simba SC, Tanzania), Jacques Tuyisenge (APR FC), Sugira Ernest (Rayon Sports), Kevin Monnet Paquet (Saint Etienne), Byiringiro Lague (APR FC), Sibomana Patrick (Police FC), Bizimana Yannick (APR FC), Hakizimana Muhadjili (AS Kigali), Mico Justin (Police FC) na Iyabivuze Ose(Police FC)






@igicumbinews.co.rw