Amakipe y’umupira w’amaguru yo mu Budage akomeje gusubukura imyitozo
Ku ifoto n’abakinnyi ba Bayern Munich bari mu myitozo.
Amakipe yo mu Budage akomeje gusubukura imyitozo mu rwego rwo kwitegura Shampiyona.
Kuri ubu Bayern Munich iri ku mwanya wa mbere, aho irusha Borussia Dortmund iyikurikiye amanota 4 muri shampiyona y’Ubudage izwi ku izina rya Bundesliga. Ni imwe mu makipe yagarutse mu myitozo ku nshuro yayo ya mbere, kuva iyi shampiyona isubitswe kubera icyorezo cya coronavirus.
Iyi kipe ifite igikombe cya shampiyona cy’umwaka ushize wa 2018-2019, yasubukuye imyitozo kuri uyu wa mbere tariki ya 6 Mata 2020.
kimwe n’andi makipe nka Borussia Monchengladbach na Wolfsburg, abakinnyi b’aya makipe Bari kwitoza bari mu matsinda, aho buri tsinda rigizwe n’abakinnyi 5 kandi bari kwitoza bategeranye.
Shampiyona y’Ubudage yahagaritswe kuva tariki ya 13 Werurwe kugera byibura tariki ya 30 Mata 2020. Abayobozi b’ikipe ya Bayern batangaje ko, aho Bari gukorera hari isuku ihagije, Kandi ko nta bandi bantu baturutse hanze y’ikipe bagomba kugera aho iyi kipe iri kwitoreza.
DUKUNDANE Ildephonse/Igicumbi News
