Amakuru arimo kuvugwa muri Chelsea na Bayern Munich
Kuri uyu mugoroba Chelsea iraza kwakira Bayern Munich mu mukino ubanza wa kimwe cya cumi na gatandatu, cy’amakipe yabaye aya mbere ku mugabane w’Uburayi. aya makipe agiye gukina umukino wabo wa mbere kuva bahurira ku mukino wa nyuma w’iki gikombe muri 2012.
Umutoza w’ikipe ya Chelsea (Frank Lampard), araza gukina uyu mukino, adafite abakinnyi be bingenzi bakina ku mwanya w’imbere nka Christian Pulisic na Calum Hudson-Odoi, bose ntago baraza kuba bari kuri uyu mukino uza gukinwa kuri uyu wa kabiri.
N’Goro Kante nawe ntago ahari kuri uyu mugoroba, kubera imvune yagize izamara ibyumweru bitatu, kuko yanasibye umukino ikipe ya Chelsea yatsinzemo ikipe ya Tottenham.
Chelsea kandi yakinnye muri iki cyumweru gishize, idafite umukinnyi wayo ukina anyura ku ruhande witwa Pedro, gusa kuri ubu umutoza Lampard yatangaje ko uyu mukinnyi aza kuba ameze neza kuri uyu mugoroba.
Tammy Abrham ashobora kuza kuba ayoboye ba rutahizamu ba Chelsea, nyuma yaho ku wa gatandatu yaje mu kibuga asimbuye kubera akabazo k’imvune yari yaragize, gusa kuri ubu akaba ameze neza. Ruben Loftus Cheek nawe ari ku rutonde rw’abakinnyi bari buze gukina kuri uyu mugoroba, aho araza kuziba icyuho cy’umukinnyi ukina hagati mu kibuga w’ugarira izamu mw’ikipe ya Chelsea (N’Goro Kante).
Bayern iraza gukina kuri uyu mugoroba idafite abakinnyi bayo 3 bingenzi. Myugariro Niklas Sule ntago ahari kubera ikibazo kimvune y’igihe kirekire mu gihe Ivan Perisic nawe udahari kubera ikibazo cy’imvune yakuye mu myitozo, ukwezi gushize.
Javi Martinez yagarutse mu myitozo y’ikipe y’aba Bavariyani gusa ari gushidikanwaho, Bayern ifite amahitamo yo kuba yabanzamo abafaransa babiri (Lucas Hernandez na Kingsley Coman), aba bose bari baravunikiye ku mukino wa shampiyona ubwo banganyaga na RB Leipzig.
DUKUNDANE Ildephonse/igicumbinews.co.rw
