Bigoranye Apr FC yatsinze Gasogi United

Ikipe ya APR FC yatsinze Gasogi United ibitego 3-2 mu mukino w’umunsi wa 13 wa shampiyona y’icyiciro cya mbere mu Rwanda umwaka w’imikino wa 2019-2020.

Ni umukino wabereye kuri stade Regional i Nyamirambo saa 15:00’, igice kinini cy’umukino kikaba cyakinwe mu mvura.

APR FC yatangiye umukino ishaka igitego hakiri kare, maze ku munota wa 43 Danny Usengimana abonera APR FC igitego cya mbere ku mupira yacomekewe na Manishimwe Djabel bakikeshya ko Danny yaraririye. Igice cya mbere cyarangiye ari 1-0.

Gasogi United yatangiye igice cya kabiri ishaka ibitego, ku munota wa 48 Isaac Muganza yishyuriye Gasogi ndetse no ku munota wa 52 ashyiramo icya kabiri.
APR FC yakomeje gushaka uburyo yishyura iki gitego ariko biragarana, umutoza Adil Erradi yakoze impinduka Djabel, Djuma na Danny bava mu kibuga hinjiramo Ishimwe Kevin, Anicet na Yves Mugunga.

Abasore ba APR FC bakomeje gushyira igitutu kuri Gasogi United maze ku munota wa 80 Omborenga Fitina abonera APR FC igitego cya kabiri, hari mbere y’uko ku munota wa 82 Mugunga Yves atsinda igitego cya 3. umukino warangiye ari 3-2.

Dore uko indi mikino yarangiye n’iteganyijwe

Ku wa Gatandatu tariki ya 7 Ukuboza 2019

APR FC 3-2 Gasogi United (Stade de Kigali, 15h00)

Bugesera FC 0-0 Musanze FC (Stade Bugesera, 15h00)

Etincelles FC 0-0 Sunrise FC (Stade Umuganda, 15h00)

AS Muhanga 1-0 SC Kiyovu (Stade Muhanga, 15h00)

Ku Cyumweru tariki ya 8 Ukuboza 2019

AS Kigali vs Gicumbi FC (Stade de Kigali, 15h30)

Marines FC vs Espoir FC (Stade Umuganda, 15h00)

Police FC vs Mukura VS (Stade de Kigali, 13h00)

Heroes FC vs Rayon Sports FC (Stade Bugesera, 15h00)