Bigoranye Real Madrid yatsinze mukeba

Rutahizamu w’umufaransa Benzema yatsindiye Madrid igitego, ku mupira waruhinduwe na Ferland Mendy, aha Real Madrid intsinzi imbere ya mukeba wayo Atheletico Madrid basangiye umujyi bituma Real bikomeza kuyishyira ku mwanya wa mbere n’amanota 49, aho irusha Barcelona iri ku mwanya wa kabiri amanota atandatu. Barcelona ifite umukino ku mugoroba tariki 2 Gashyantare 2020 aho iraza kwakira Levante saa yine z’ijoro.

Atletico Madrid iri ku mwanya wa gatanu imaze imikino 5 itaratsinda, umutoza Simeon yaje kubabazwa n’umupira Angel Correa yateye aho kujya mwizamu ugakubita umutambiko w’izamu, Real yabonye amahirwe yo gutsinda ariko Vinicius Junior ntiyabasha kubyaza aya mahirwe umusaruro kuko Jan Oblak yamubereye ibamba.

Zinedine Zidane utarufite Gareth Bale, amaze imikino 21 ataratsindwa, aho amaze 8 yose ayitsinda y’ikurikiranya harimo n’uwo yatsinze Atletico ku mukino wa nyuma w’igikombe cyiruta ibindi muri Esipanye.

11 babanjemo ku mpande zombi.

Real Madrid: 13 Courtois, 2 Carvajal, 5 Varane, 4 Ramos, 23 Mendy, 14 Casemiro, 8 Kroos, 15Valverde 10Modric, 22 Isco, 9Benzema