Burundi: Bwa mbere habonetse abantu banduye Coronavirus

Ku ifoto ni Minisitiri w’Ubuzima mu Burundi, Dr Thaddée Ndikumana

Minisitiri w’Ubuzima mu Burundi, Dr Thaddée Ndikumana, ku mugoroba wo kuri uyu wa kabiri tariki 31 Werurwe 2020, yatangaje ko muri icyo gihugu ku nshuro ya mbere habonetse abantu babiri barwaye Coronavirus.

U Burundi bwari mu bihugu bike bitari byagaragaramo umuntu wanduye icyo cyorezo.

Aganira n’abanyamakuru ku mugoroba wo kuri uyu wa kabiri, Minisitiri Ndikumana yasobanuye ko abagaragayeho icyo cyorezo ari abagabo babiri b’Abarundi b’imyaka 56 na 42 y’amavuko, bakaba ngo barinjiye mu Burundi baturutse mu bihugu byo hanze.

Hari hashize iminsi mu Burundi bivugwa ko hashobora kuba hari abanduye Coronavirus, ariko bamwe bakavuga ko icyo gihugu cyahishe amakuru kikanga kubishyira ku mugaragaro.

@igicumbinews. Co.rw