Christiano Ronaldo akomeje kwandikira amateka muri Juventus
Ronaldo yatsinze igitego cya 10 yikurikiranya muri shampiyona y’Ubutariyani, mu mukino wari wahuje Hellas Verona yari yakiriye Juventus. ni igitego cyafunguye amazamu ku ruhande rwa Juventus ku munota wa 65 ariko nyuma yaho Fabio Borini atsindira Verona igitego cyo kwishyura.
Umukino uri hafi kurangira Marash Kumbulla yateye umupira n’umutwe ufata ku kaboko ka Leonardo Bonucci, hitabazwa video assistant referee (VAR) maze Hellas Verona ibona penariti yatewe neza na Pazzini atsindira Verona igitego cya kabiri cy’intsinzi.
Juventus ifite igikombe cya shampiyona giheruka, yabonye amahirwe yo gutsinda mu gice cya mbere ariko ntibayabyaza umusaruro. Ronaldo wujuje imyaka 35 kuwa gatatu tariki ya 5 Gahyantare 2020, amaze gutsinda ibitego 20 mu mikino 20 ya shampiyona muri uyu mwaka w’imikino, akaba yaciye agahigo ko kuba umukinnyi wa mbere utsinze ibitego 10 y’ikurikiranya.
Juventus kandi yagumye ku mwanya wa mbere muri iyi shampiyona y’Ubutariyani gusa ishobora kuza kuwuvaho mugihe cyose ikipe ya Inter Millan yaba yatsinze AC Millan kuri icyi cyumweru tariki ya 9 Gashyantare 2020.
DUKUNDANE Ildephonse/igicumbinews.co.rw
