Coronavirus: Menya uko byiriwe byifashe kuri uyu wa kabiri mu Rwanda no muri Afurika y’Iburasirazuba
Minisiteri y’ubuzima mu Rwanda yatangaje ko mu bipimo 806 byafashwe uyu munsi nta muntu basanze afite coronavirus.
Yatangaje kandi ko ubu abamaze gukira iyi ndwara ari barindwi.
Kugeza ejo kuwa mbere abayikize bari bane.
Umubare w’abanduye Covid-19 mu Rwanda ukomeje kuba 105, abakiyirwaye ni 98 mu gihe barindwi bayikize.
Abamaze kwandura iyi ndwara ku isi ubu bararenga miliyoni 1,4 nkuko bivugwa na kaminuza y’ubushakashatsi ya Johns Hopkins.
Muri Africa kugeza muri iri joro umubare w’abanduye iki cyorezo ni 10,252. Abo yishe ni 492 naho abayikize ni 989 nkuko bivugwa n’ishami ryita ku byorezo mu muryango w’ubumwe bwa Africa.
Muri East African Community, uko abayanduye bahagaze;
Kenya – 172
Rwanda – 105
Uganda – 52
Tanzania – 24
Burundi – 3
South Sudan – 1
@igicumbinews.co.rw
About The Author
