Rwanda: Bwa mbere Coronavirus yishe abantu benshi ku munsi umwe

Ministeri y’Ubuzima ivuga ko Tariki 10 Nyakanga 2021, Covid-19 yishe abantu 17, nibwo bwa mbere habonetse umubare munini w’abicwa ni iki cyorezo mu Rwanda ku munsi. Ni mu gihe abanduye bashya ari 830, abakize ni 869.

Abapfuye ni abagore 11 b’imyaka 81, 74, 67, 50, 33 (i Kigali), 81 (i Rutsiro), 78 (i Gicumbi), 75 (i Musanze), 74, 70 ( i Rubavu), na 63 (muri Nyamasheke), abandi bapfuye ni abagabo batandatu b’imyaka 88, 34 (i Kigali), 80, 56 (Kamonyi), 63 (Nyamagabe), n’uw’imyaka 40 (i Muhanga).

Abantu bakirwaye Covid-19 ni 15 110 barimo 63 barembye. Inzego zishinzwe ubuzima zisaba Abaturarwanda baba abakingiwe n’abatarakingirwa gukomeza kwitwararika birinda kwandura cyangwa kwanduza abandi icyorezo cya Covid-19 gikomeje kugaragaza ubukana mu Rwanda n’ahandi ku isi.

Didier Maradona/Igicumbi News

Kanda hasi ukurikire ibiganiro tukugezaho ku Igicumbi News Online TV: