Dorcas na Vestine batandukanye na M.Irene
Drocas na Vestine baririmba indirimbo zo kuramya no guhimbaza Imana, bamaze gutandukana na Mulindahabi Irene, wari Umujyanama wabo mu bya muzika ari nawe wabafashije kumenyekana.
Ku mugoroba wo kuri uyu wa kabiri Tariki ya 07 Nyakanga 2021, Murindahabi Irene abinyujije ku urukuta rwe rwa Instagram, niho yatangajrije ko yahagaritse amasezerano yari afitanye na Kamikazi Dorcas ndetse na Ishimwe Vestine.
Kuri uyu wa Gatatu ku tariki ya 08 Nyakanga 2021, hasohotse itangazo ryagenewe abanyamakuru, rivuga ko ubuyobozi bwa MIE Entertainment butangaje ko butandukanye n’abahanzikazi baririmba indirimbo zo kuramya no guhimbaza Imana aribo Ishimwe Vestine na Kamikazi Drocas.
Iryo tangazo. Rigira riti: “Dushingiye ku ntego ndetse n’icyerecyezo cya M.I Entertainment, Nyuma yo gusesengura imikoranire ya MIE ndetse na Ishimwe Vestine na Kamikazi Dorcas bamenyewe nka “Vestine na Drocas” mu ruhando rwa muzika”.
“MIE yifuje kumenyesha abakunzi bayo, ndetse n’umuryango mugari wa muzika ko guhera Tariki ya 7 Nyakanga 2021, ibaye ihagaritse ibikorwa byayo byose yakoranaga na bahanzi bavuzwe haruguru, ku mpamvu muzamenyeshwa mu minsi iri imbere”.
Rikomeza rigira riti: “Ubuyobozi bwa MIE bubashimiye uburyo mwakiriye “Vestine na Drocas” ndetse n’uburyo mutahwemye kubashyigikira mu rugendo rwabo rwa muzika batangiye. Twongeye kwizeza abakunzi bacu ko tuzakomeza kubaha ibyiza
Byose mu kwiriye kandi tubashimira uburyo mukomeje gushyigikira muzika nyarwanda”.
MI Entertainment yirinze gutangaza icyatumye itandukana n’aba bahanzikazi, ivuga ko izabitangaza mu minsi iri mbere.
Drocas na Vestine bamenyekanye mu indirimbo yitwa Nahawe Ijambo imaze kurebwa kuri Channel yabo ya YouTube n’abarenga Miliyoni 3.
Adonai Iri muri zimwe mu ndirimbo Vestine na Drocas bakoranye na MI Entertainment yakunzwe ndetse iherutse no gusohorerwa amashusho.
Kanda hasi ukurikire ibyitandukana ryabo kuburyo burambuye:
Emmanuel Niyonizera Moustapha/Igicumbi News
