Eddy Kenzo yakoze impanuka
Umuhanzi wo muri Uganda ufite inkomoko mu Rwanda nk’uko yigeze kubivugira i Kigali Eddy Kenzo yakoze impanuka mu gitondo cyo kuri uyu wa Kane tariki 05, Kanama, 2021 avunika akaboko.
Iriya mpanuka yabereye mu muhanda uri ahitwa Masaka. Amazina ye y’ukuri ni Edriisa Musuuza.
Asanzwe akorera indirimbo mu nzu itunganya umuziki yitwa Big Talent Entertainment.
Ababibonye babwiye ikinyamakuru MBU ko imodoka ya Kenzo yahirimye iribirindura ariko ku bw’amahire avamo ari muzima ariko yavunitse akaboko, akomereka no ku bindi bice by’umubiri.
Eddy Kenzo yavanywe muri iriya modoka yari yangiritse ari kuva amaraso ahantu henshi, ahita ajyanwa mu bitaro bya Maya biri i Masaka muri Uganda ngo yitabweho n’abaganga.
Amakuru y’impanuka ya Kenzo yemejwe n’ushinzwe gukurikirana ibikorwa bye witwa Fab Sham.
Amakuru agera hanze magingo aya nuko ubuzima bwe burimo bugenda neza.
Itangazo Fab Sham amaze gushyira ku rukuta rwe rwa Twitter ahumurije abafana n’abakunzi ba Eddy Kenzo ko igikorwa cyo kwitabwaho n’abaganga cya genze neza.
Didier Maladonna/Igicumbi News
Kanda hasi ukurikire ibiganiro tukugezaho ku Igicumbi News Online TV:
