Gasabo: Umuhanzi Meddy yatawe muri yombi
Umuhanzi Meddy yatawe muri yombi ahagana saa munani z’ijoro atwaye imodoka yanyoye inzoga, ahita afungwa .
Umuvugizi wa Polisi mu Mujyi wa Kigali, yatangarije Igihe dukesha iyi nkuru ko uyu muhanzi “yaraye afunzwe, kubera gutwara yanyoye ibisindisha. Yafatiwe i Remera nka saa munani z’ijoro.”
Amategeko ateganya ko umuntu wese ufashwe atwaye imodoka yanyoye ibisindisha, afungwa iminsi itanu, akanatanga ihazabu y’amafaranga ibihumbi 150 Frw.
Polisi yasabye abatwara ibinyabiziga, kwirinda gutwara banyoye ibisindisha kuko bigira ingaruka kuri bo n’abandi bakoresha umuhanda ndetse ikaba yaranatangije gahunda ya Gerayo Amahoro igamije gukumira impanuka zibera mu mihanda.
@igicumbinews.co.rw
