Guverineri Gatabazi yakiriye Minisitiri w’Ingabo mu biro bye
Jean Marie Vianney Gatabazi uherutse kongera guhabwa inshingano zo kuyobora Intara y’Amajyaruguru nyuma yo gukurwa kuri uriya murimo, umuyobozi mukuru mu ngabo na Politiki yakiriye bwa mbere ni Minisitiri w’ingabo, Major Gen Albert Murasira.
Nta Cyumweru kirashira Perezida Kagame yongeye guha inshingano Guv Gatabazi zo kuyobora Intara y’Amajyaruguru.
Icyo gihe Gatabazi yashimiye Umukuru w’Igihugu, amwizeza kuzarushaho gukorera abaturage ashinzwe.
Kuri Twitter, Ibiro bishinzwe itumanaho by’Intara y’Amajyaruguru, byanditse ko Gatabazi na Murasira ‘baganiriye ku bibazo bihari bikeneye ubuvugizi’.
Major General Albert Murasira asanzwe ari imboni ya Guverinoma mu Karere ka Musanze.
@igicumbinews.co.rw
