Hadutse ubwoko bushya bwa Coronavirus
Nubwo Ibihugu bitandukanye byo ku isi bihanganye n’Ubwandu bushya bwa Coronavirus bwihinduranyije bwiswe Omicron hari ubundi bwandu bwadutse mu gihugu cya Israel nkuko bitangazwa na Arab News.
Umuntu wa mbere bukaba bwamaze kumugaragaraho, abahanga mu buzima bakavuga ko ubu ubwandu ari uruhurirane rwa Coronavirus ivanze na Virus y’icyorezo cy’ibicurane by’igikatu(Influenza).
Iyi Virus yatahuwe mu mugore wari uje kwa muganga kubyara.
Ni mu gihe ibinyamakuru byo mu gihugu cya Israel bivuga ko ku wa Gatanu Tariki 31 Ukuboza 2021 batangiye gutanga urukingo rwa kane rwa Coronavirus, urukingo rwa Gatatu rukaba rwari rwatanzwe mu mezi ane asahize.
Imibare y’abandura Coronavirus muri Israel ikomeje kwiyongera aho ku munsi handura abari hejuru ya 5,000, kuva Coronavirus yaduka abamaze kwandura iki cyorezo muri iki gihugu ni 1,380,053 mu gihe abo cyimaze guhitana ari 8,000.
@igicumbinews.co.rw
Kanda hasi ukurikire ibiganiro tukugezaho ku Igicumbi News Online TV:
