Ifoto y’Urwibutso: Umuherwe yambaye agapfukamunwa gakozwe muri Zahabu gafite agaciro k’asaga Miliyoni 4 Frw
Basomyi ba Igicumbi News uyu munsi twabahitiyemo ifoto y’umuherwe wo mu Buhinde wambaye agapfukamunwa gafite agaciro k’amafaranga asaga Miliyoni 4 Frw.
Umuherwe Shankar Kurhade wo mu gace ka Pune mu buhinde ,mu rwego rwo kwirinda Covid-19, yagaragaye yambaye agapfukamunwa gafite agaciro ka madorali y’Amerika ibihumbi bine($4,000), uyashyize mu manyarwanda agera hafi kuri miliyoni 4.
Aka gapfukamunwa gakozwe mu cyuma gihenze gafite uburemere bwa Garama 56 ,uwagakoze byamutwaye iminsi 8,nk’uko byatangajwe n’uyu muherwe usanzwe ari umucuruzi ubarizwa mu burengerazuba bw’umujyi wa Pune.
Ubuhinde bwashyizeho itegeko ryo kwambara agapfukamunwa kuri buri muturage mu gihe ari mu ruhame, mu rwego rwo kurinda ikwirakwira rya Coronavirus mu gihugu.
Abamaze kwandura iki cyorezo muri iki gihugu bagera ku bihumbi 650,000 kikaba kimaze kwica abagera ku bihumbi 18,600 .
Photo: AFP
BIZIMANA Desire/Igicumbi News
About The Author
