Ikipe ya Burnley ishobora kujya mu gihombo gikomeye mu gihe Premier League yaba itarangiye

Burnley ishobora guhomba miliyoni 50 z’amayero zikaba miliyoni 61.30 by’Amadorari ya Amerika, mu gihe shampiyona y’Ubwongereza yaba itageze ku musozo ngo irangire, bitewe n’icyorezo cya coronavirus. mu gihe andi makipe akomeye mu bwongereza biteganijwe ko ashobora guhomba ubwikube kabiri by’ay’ikipe ya Burnley.

Abayobozi b’umupira w’amaguru mu bwongereza batangaje ko bazongera gukina imikino mu gihugu, igihe Coronavirus izaba yaragabanutse, ibi babitangaje ejo ku wa gatanu, tariki ya 3 Werurwe 2020, bagize bati, “umwaka w’imikino wa 2019-20, uzasubukurwa ari uko dutekanye nibwo imikino yagenda neza”.

Ikipe ya Burnley ishobora gutakaza miliyoni 5 z’Amapawundi kuri buri mukino,  mu mikino 10 ya shampiyona yari isigaye,  kuko nubwo ishyirahamwe ry’umupira w’amaguru mu bwongereza ryareka bagakina, bakinira muri sitade itarimo abafana.

Umuyobozi wa Burnley witwa Mike Garlick yagize ati, “iki kibazo ntago kiri ku ikipe ya Burnley cyangwa andi makipe y’umupira w’amaguru mu bwongereza gusa, ahubwo kiri mu mupira w’amaguru ku isi hose, uturutse kuri shampiyona y’Ubwongereza ukagera no ku zindi shampiyona zo ku isi hose, twebwe nk’ikipe ya Burnley, dutangaje igihombo cyacu kugirango tube abanyakuri ku  bafana ndetse no ku bafatanyabikorwa b’ikipe yacu”.

DUKUNDANE Ildephonse! Igicumbi News