Imyigaragambyo yongeye kubura muri Amerika

Abigaragambya kuri uyu wa gatandatu no kuri iki cyumweru baranizihiza ikiruhuko cya Juneteenth cyo kwibuka umunsi umwirabura wanyuma yavuye mu bucakara taliki ya 19 z’ukwezi kwa gatandatu mu 1865 muri Leta ya Texas.

Imyigaragambyo iteganijwe mu mujyi ya New York, Los Angeles na Miami. Mu murwa mukuru Washington DC hateganijwe indi imyigaragambyo. Abaraye bigaragambirije mu birometero bicye hafi y’ingoro ya perezida, baraye basenye ikubumbano cya Albert Pike umwe mu bategetsi bo hambere bari bashyigikiye ubucakara muri icyo gihe.

Imyigaragambyo yatangiye taliki 25 z’ukwa gatanu umwirabura George Floyd amaze kugwa mu maboko ya Polisi mu mujyi wa Minneapolis muri Leta ya Minnesota.

@igicumbinews.co.rw