Kirehe: Umubyeyi yishwe na Coronavirus
Minisiteri y’Ubuzima yatangaje ko kuri uyu wa Kabiri tariki 27 Ukwakira 2020, mu Rwanda umuntu wa 35 yishwe na COVID-19.
Itangazo rya Minisiteri y’Ubuzima riravuga ko uwitabye Imana ari umubyeyi w’imyaka 88 y’amavuko witabye Imana ari i Kirehe.
Kuri uyu wa Kabiri mu Rwanda habonetse abantu 11 bashya banduye COVID-19, abakize ni 3.
Abo barwayi bashya 11 babonetse mu bipimo 1,594 bakaba barimo 8 babonetse muri Kigali, umwe aboneka i Kirehe, undi aboneka i Musanze, undi umwe aboneka i Nyamagabe.
Kugeza kuri uyu wa Kabiri, mu Rwanda abamaze kwandura icyo cyorezo ni 5,084 muri bo abamaze gukira ni 4,851 naho abakivurwa ni 198.
Abamaze kwicwa na COVID-19 mu Rwanda bose hamwe ni 35.
