Musanze: Umugore wafashe umwana we akamuboha amaboko akoresheje imigozi yafashwe

Umugore waziritse umwana yafashwe(Photo:Internet)

Kuri uyu wa Gatatu, Urwego rw’Igihugu rw’Ubugenzacyaha(RIB), rwataye muri yombi umugore wo mu kagari ka Cyabagarura, Umurenge wa Musanze, mu karere ka Musanze, wahaye umwana we igihano cyo kumuzirikira amaboko inyuma akoresheje imigozi, akaba akurikiranyweho icyaha cyo guha umwana ibihano biremereye no kumukorera iyicarubozo.

Kuwa kabiri Tariki ya 05 Mata 2022, nibwo uyu mugore yahaye umwana we igihano cyo kumuzirika amaboko amushinja kumwiba amafaranga 5,000Frw, ubundi agasiga amukingiranye mu nzu nyuma yuko bimenyekanye yahise atoroka.

Ejo hashize RIB ibicishije k’urukuta rwayo rwa Twitter yatangaje ko uyu mugore yamaze gufatwa akaba afungiye kuri Sitasiyo ya RIB ya Cyuve.

Ubutumwa bwa RIB bugira buti: “Mwiriwe, ukekwaho guhohotera uyu mwana yafashwe akaba afungiye kuri Sitasiyo ya RIB ya Cyuve mu karere ka Musanze aho agiye gukurikiranwa nkuko amategeko abiteganya”.

@igicumbinews.co.rw