Ntibisanzwe: Umwaka ushize w’imikino yarari mu ikipe yo mu cyiciro cya 2 none ageze muri FC Barcelone
Barcelona yagize abanyabigwi nka Hristo Stoichkov, Romario, Ronaldo, Ronaldinho, Samuel Eto’o, Luis Suarez na Lionel Messi, none ubu igeze kuri Martin Braithwait watangiye umwaka w’imikino wa 2018-2019 ari mu ikipe ya Middlesbrough yo mu kiciro cya kabiri mu bwongereza.
Barcelona iri ku mwanya wa mbere muri shampiyona y’icyiciro cya mbere muri Esipanye, n’iyo kipe ya mbere ikoresheje amahirwe y’itegeko ry’umupira w’amaguru wa Esipanye, rivuga ko mu gihe ikipe ivunikishije umukinnyi ubanza mu kibuga igihe kirenze amezi atanu, iyo kipe yemerewe kugura undi mukinnyi uza ku musimbura.
Ibi Barca yabikoze kubera ko abakinnyi bayo nka Ousmane Dembele, uri hanze y’ikibuga igihe kingana n’amezi atandatu ndetse na Luis Suarez wagize ikibazo kimvune. Martin ntago yemerewe gukina imikino y’amakipe yabaye aya mbere ku mugabane w’Uburayi (Champions League), arko yemerewe gukina imikino 14 isigaye muri shampiyona ya Esipanye.
Mu byukuri Barcelona iracyafite abakinnyi bakomeye bakina basatira izamu. Ubwo baheruka gukina na Malaga muri shampiyona bakoresheje umukinnyi watwaye igikombe cy’isi cya 2018 Antoine Grezman, bakoresha umwana muto ufite ejo hazaza Ansu Fati ndetse n’umukinnyi wa mbere ku isi nka Lionel Messi. Ibi nibyo bituma abasesenguzi bavuga ko Barcelona itari ikwiriye kugura uyu mukinnyi imukuye mu ikipe ya Leganes.
Martin ukinira ikipe y’igihugu ya Danemark yakiniye amakipe nka Esbjerg y’iwabo, akinira Toulouse, Middlesbrough, Bordeaux, Leganes none ubu ari mu ikipe ya Barcelona. Aya makipe yose yanyuzemo yatsinze ibitego 85 mu mikino 348.
Ildephonse DUKUNDANE/igicumbinews.co.rw
