Perezida Ndayishimiye yamaganye ihirikwa ry’ubutegetsi muri Guinée




Perezida w’u Burundi, Evarste Ndayishimiye, yamaganye yivuye inyuma ihirikwa k’ubutegetsi rya Alpha Condé, wari ugiye kumara imyaka 11 ari Perezida wa Guinée Conakry.

Ku munsi wejo hashize nibwo hakwirakkwijwe amafoto n’amashusho agaragaza Alpha Condé, yatawe muri yombi n’Abasirikare b’umutwe udasanzwe bo muri icyo gihugu bayobowe Lieutenant Colonel Mamady Doumbouya.



Mu mashusho yashyizwe hanze, agacishwa kuri Televiziyo y’igihugu, Lt Colonel Doumbouya, yavuze ko bahiritse ku ubutegetsi Alpha Condé kuneza y’abaturage, kubera ibibazo bya Politike mbi n’imungwa ry’ubukungu hakigerekaho na ruswa, avuga ko asheshe Itegeko Nshinga, Inteko Ishingamategeko ndetse na Guverinoma.

Perezida w’u Burundi Evarste Ndayishimiye, abicishije ku urukuta rwe rwa Twitter, yamaganye iri hirikwa ku ubutegetsi, asaba ko hakurikizwa Itegeko Nshinga.

Ati: “Namaganye nivuye inyuma,ihirikwa ku ubutegetsi muri Repebulika ya Guinée, ndasba ituze no kugarura iyubahirizwa ry’Itegeko Nshinga.”

Mamdy Doumbouya, wahiritse ubutegetsi muri Guinée Conakry yari asanzwe akuriye ingabo z’umutwe udasanzwe, bashinzwe muri 2018, akaba yizerwaga cyane na Alpha Condé gusa mu kwezi kwa Gatanu muri uyu mwaka byigezwe guhwihwiswa ko yatawe muri yombi, amakuru Leta yahakanye.

Ni umwe mu basirikare batorejwe igisirakare mu Ubufaransa, amakuru ateremezwa akaba avuga ko bishoboka ko Ubufaransa bwaba bwihishe inyuma y’iri hirikwa ku ubutegetsi.

Biravugwa ko uyu mugabo yaba afitanye umubano wihariye na Colonel Assimi Göita uherutse guhurika ubutegetsi muri Mali.



@igicumbinews.co.rw 

Kanda hasi ukurikire ibiganiro tukugezaho ku Igicumbi News Online TV: