Rayon Sports yihimuye kuri As Kigali
Kuri uyu wa kabiri Rayon Sports yahuraga n’ikipe ya As Kigali iherutse kuyitsinda ikayitwara igikombe cya Super Cup.
Wari umukino w’umunsi wa kabiri wa Shampiyona y’icyiciro cya mbere mu mupira wa maguru mu Rwanda wabereye kuri Stade ya Kigali i Nyamirambo.
Amakipe yombi yatangiye atinyana bituma igice cya mbere kirangira anganya ubusa k’ubusa.
Mu gice cya kabiri umukino wahinduye isura, k’umunota wa 68 Gilbert Mugisha ku mupira mwiza yahawe na Sarpong yafunguye amazamu. Rayon Sports iba ibonye igitego cya 1.
Rayon Sports yakomeje gusatira k’umunota wa 81 yaje kubona Penaliti ku ikosa Shaffy yakoreye Sarpong, Michael Sarpong yahise ayitera arayinjiza Rayon Sports iba igize ibitego 0.
Umukino warangiye Ibitego bya Sarpong Michael kuri Penaliti na Gilbert Mugisha byafashije ikipe ya Rayon Sports gutsinda AS Kigali ibitego 2-0.
Binatumye irara k’umwanya wa mbere by’agateganyo n’amanota 4 ikaba izigamye ibitego 2.
@igicumbinews.co.rw
