RDC: Uwahoze ari Minisitiri w’Intebe ku ubutegetsi bwa Joseph Kabila akurikiranyweho kunyereza akayabo
Sena ya Repubulika Iharanira Demokarasi ya Congo yambuye ubudahangarwa Augustin Matata Ponyo Mapon wahoze ari Minisitiri w’intebe,kugira ngo bitume ashobora gukurikiranwa mu maperereza ku inyerezwa ry’imari ya leta.
Bwana Ponyo ubu ari gukorwaho iperereza ku ruhare bivugwa ko yagize mu mushinga w’ubuhinzi utaragize icyo ugeraho.
Reuters itangaza ko Abakora iperereza bavuga ko miliyoni 200 z’amadolari y’Amerika (agera kuri miliyari 201 mu mafaranga y’u Rwanda) zaburiwe irengero mu gihe cy’ishyirwa mu bikorwa ry’uwo mushinga w’ubuhinzi .
Bivugwa ko Bwana Ponyo ari we wize uwo mushinga, ateganya uko wakorwa ndetse yiyemeza ko ushorwamo amafaranga. nyamara we ahakana avuga ko nta kintu kibi yakoze.
Mbere Sena yari yaranze ubusabe bw’urwego rw’ubucamanza bwo kumukuraho ubudahangarwa kugira ngo aburanishwe.
Bwana Ponyo yabaye Minisitiri w’intebe kuva mu 2012 kugeza mu 2016, ku butegetsi bw’uwari Perezida Joseph Kabila.
@igicumbinews.co.rw
Kanda hasi ukurikire ibiganiro tukugezaho ku Igicumbi News Online TV:
