Rwanda :Abakozi 26 ba RIB bashimiwe ko banze kwakira ruswa

Abakozi 26 b’Urwego rw’Ubugenzacyaha  (RIB),bashimiwe ko banze kwakira ruswa bagatuma abayibahaye bashyikirizwa ubutabera.

Kuri uyu wa Gatanu tariki ya 10 nyakanga 2020, ubuyobozi bw’urwego rw’ubugenzacyaha RiB bubinyujije kuri Twitter bwatangaje ko bwashimiye Abakozi 26 bagaragaje ubunyangamugayo bakanga kwakira ruswa bagatuma abayibahaye bashyikirizwa ubutabera.

Bwakomeje bukangurira abakozi bose gukurikiza uru rugero rwiza.

Ubuyobozi bwa RIB bwakomeje bugira buti: “Nubwo umukozi atagomba gushimirwa kubera gukora inshingano ze uko bikwiye , ubuyobozi bwa RIB bwahisemo kubashimira kugirango bibere urugero n’abandi batagiraga ubutwari bwo kurwanya ruswa bafata abagerageza kuyitanga”.

Abagenzacyaha bibukijwe ko ruswa itihanganirwa bashishikarizwa gukomeza umurava wo kuyirwanya kugeza bibaye umuco mu bakozi bose ba RIB .

HABAKUBANA Jean Paul/Igicumbi News