Rwanda: Abashoferi b’amakamyo bongeye gutuma umubare w’abanduye Coronavirus wiyongera
Minisiteri y’Ubuzima (MINISANTE) iratangaza ko abandi bantu barindwi bagaragaweho icyorezo cya COVID-19 mu bipimo 1,275 byafashwe kuri uyu wa Gatandatu tariki 25 Mata 2020.
Byatumye umubare w’abamaze kugaragaraho icyo cyorezo mu Rwanda ugera ku bantu 183, muri bo 88 bakaba bamaze gukira harimo umwe wakize uyu munsi.
Itangazo rya Minisiteri y’Ubuzima riravuga ko abarimo kuvurwa ari 95, iki cyorezo kugeza kuri uyu wa gatandatu kikaba ntawe kirahitana.
MINISANTE iravuga ko hari ubwiyongere bw’imibare y’abanduye COVID-19 mu batwara amakamyo yambukiranya imipaka n’abo bakorana.
Abarwayi bose barimo kuvurirwa ahantu habugenewe kandi ngo barimo baroroherwa.
@igicumbinews.co.rw
