Rwanda: Imibare y’abandura Coronavirus yongeye kuzamuka, undi muntu arapfa
Minisiteri y’Ubuzima (MINISANTE) yatangaje ko kuri uyu wa Gatatu tariki 11 Ugushyingo 2020, mu Rwanda habonetse abantu 50 bashya banduye COVID-19, abakize ni baridwi, naho uwapfuye ni umwe.
Abo barwayi bashya 50 babonetse mu bipimo 2,860, bakaba barimo ababonetse i Kigali:27 (abapimwe muri Gereza ya Nyarugenge), Kirehe:6, Rubavu:12 (abapimwe mu bibasiwe kurusha abandi), Rwamagana:5
Kugeza kuri uyu wa Gatatu mu Rwanda abamaze kwandura icyo cyorezo ni 5,312 muri bo abamaze gukira ni 4,974 naho abakivurwa ni 297.
Abamaze kwicwa na COVID-19 mu Rwanda bose hamwe ni 41. Uwapfuye ni umusaza w’imyaka 88 y’amavuko witabye Imana ari i Rwamagana.
@igicumbinews.co.rw
