Rwanda: Umubare w’abandura Coronavirus urimo kugenda ugabanuka

Uwo muntu umwe yabonetse mu bipimo 574 byafashwe uyu munsi, ibipimo byose hamwe bimaze gufatwa bikaba ari 43,379 ari na byo byabonetsemo abarwayi 286.

Itangazo rya Minisiteri y’Ubuzima riravuga ko abantu batatu mu bari barwaye COVID-19 bakize kuri uyu wa Kabiri, abamaze gukira bose hamwe bakaba ari 153.

Abakirwaye COVID-19 mu Rwanda ni 133, kugeza kuri uyu wa Kabiri icyo cyorezo kikaba nta muntu kirahitana mu Rwanda.

Ni ku nshuro ya kabiri hagaragara umuntu umwe wanduye Coronavirus kuva ejo hashize, ni mu gihe mbere yaho hari habonetse abantu bane banduye.

Hashize ibyumweru bibiri Minisiteri y’Ubuzima ivuga ko umubare w’abandura wongerwa ahanini n’abashoferi b’amakamyo ava hanze y’igihugu kandi iherutse gutangaza ko nta barwayi bashya barimo kugaragara hagati mu baturage, ibitanga icyizere ko abaturarwanda ni bakomeza gukaza ingamba zo kwirinda no kubahariza amabwiriza bahabwa iki cyorezo kizashira, abantu bagakomeza ubuzima busanzwe.

@igicumbinews.co.rw