Shaddyboo yinjiye mu bucuruzi bw’amafoto y’urukozasoni
Icyamamare ku mbuga nkoranyambaga Mbabazi Shadia uzwi nka Shaddyboo kuri uyu wa gatatu tariki ya 24 Gashyantare 2021 yatangaje ko yatangiye gucururiza amafoto n’amashusho ye ku rubuga Only Fans.
Urwo rubuga rufite icyicaro mu gihugu cy’ubwongereza rwamamaye mu kugurisha amafoto n’amashusho harimo n’ay’urukozasoni, gusa Shaddyboo ntiyatangaje ubwoko bw’ayo azajya acuruzaho.
Kureba amashusho ya Shaddyboo bisaba kubanza ukiyandikisha kuri urwo rubuga, ukishyura amadolari 50, ni ukuvuga hafi ibihumbi 50 uyavunjishije mu mafaranga y’u Rwanda.
Ubusanzwe iyo umuntu ashyize amashusho kuri urwo rubuga atwara 80% by’amafaranga yinjiye, ba nyirarwo nabo bagatwara 20% asigaye.
Shaddyboo yinjiye kuri iri soko nk’umunyarwandakazi wa kabiri nyuma ya Isimbi Noeline we weruye ko yinjiye mu mwuga wo kugurisha amashusho y’urukozasoni agamije kwinjiza amafaranga.
Shaddyboo ni umugore w’ubwiza n’ikimero birangaza benshi, dore ko abasaga ibihumbi 800 bakurikirana amafoto n’amashusho anyuza kuri Instagram ku buryo buhoraho.
About The Author
