Sudan: Impanuka y’indege yahitanye abagera kuri 18
Mu gihugu cya Sudan,impanuka y’indege ya gisirikare yahitanye abagera kuri 18 ,n’impanuka yabaye nyuma y’iminota itanu iyi ndege ya gisirikare ihagurutse ku kibuga cy’indege cya El Geneina, giherereye mu burengerazuba bwa Darfur.
Amer Mohammed Al-Hassan,umuvugizi w’isirikare cya Sudani yatangarije ibiro ntaramakuru by’Abafaransa ko iyi mpanuka yahitanye abakozi b’indege barindwi ,abacamanza 3 ndetse n’abasivile umunani.
Uyu muvugizi w’igisirikare cya Sudani yakomeje avuga ko iperereza rigikomeje kugira ngo bamenye icyateye iyi mpanuka.
Amakuru yatanzwe n’igisirikare cya Sudani ngo nuko iyi ndege yakoze impanuka yari imaze iminsi ivuye gutanga ubufasha mu burengerazuba bwa Darfur haherutse kugabwa igitero cyahitanye abagera kuri 48 ndetse n’abasaga 241 barakomereka .
Athanase Munyarugendo@igicumbinews.co.rw
About The Author
