Sun. May 16th, 2021

Sudan y’Epfo na Malawi bagiye kumena inkingo za Coronavirus

Urukingo rwa Astrazaneca(Photo:Reuters)

Bimwe mu bihugu by’Afurika byanze gukurikiza inama byahawe na OMS.

Minisiteri y’ubuzima ya Sudan y’epfo n’iya Malawi zanze inama zagiriwe n’ishami ry’umuryango w’abibumbye ryita ku buzima (OMS/WHO) yo kutamena doze z’urukingo rwa Oxford-AstraZeneca rwarangije igihe.

Ibi bihugu byombi byanze inama ya OMS yo kuba biretse kumena doze 76,000 zose hamwe.

Dr Richard Laku ushinzwe guhangana n’ibiza muri Sudan y’epfo, yavuze ko leta ya Sudan y’epfo itazakoresha doze 60,000 z’urwo rukingo kandi ko izazimena.

OMS yari yasabye za leta z’ibihugu gutegereza amabwiriza yayo. OMS ivuga ko inkingo za Covid-19 zishobora gukoreshwa mu gihe cy’amezi 36 nyuma y’ikorwa ryazo.

Dr Laku yavuze aho leta ya Sudan y’epfo ihagaze, ati: “Izi doze z’urukingo ntizizakoreshwa, ariko hari igishoboka cyo kuzimena”.

Wamala Joseph Francis, umukozi wa OMS muri icyo gihugu ushinzwe igenzura ry’imiti, yavuze ko hari uburyo busanzwe bukoreshwa na OMS bwo kuganira n’abakora imiti.

Dr Francis ati: “Iyo ibintu nk’ibi bibaye ku kintu cy’agaciro gakomeye nk’urukingo rwa Covid, akenshi tuvugana n’uruganda rwarukoze tukaruha ibyo bicuruzwa – kugira ngo rushobore gukora andi masuzuma ngo rumenye igihe urukingo rushobora kumara, niba rushobora kongererwa itariki ruzataho agaciro”.

Bizimana Desire/Igicumbi  News

Kanda hasi urebe amakuru tukugezaho kuri Igicumbi News Online TV:

Leave a Reply

Your email address will not be published. Required fields are marked *