Uganda: Abaturage bagomba kumara indi minsi 21 bari mu rugo

President Museveni yongereye iminsi 21 yo kuguma mu rugo.

Ibi bikazatangira kubahirizwa kuva ku munsi w’ejo tariki 15 Mata, kugeza tariki 05 Gicurasi 2020.

Perezida Museveni amaze kubitangaza kuri uyu wa kabiri mu ijambo yagezaga ku Abanya-Uganda ryagarukaga ku bijyanye naho igihugu kigeze gihangana n’icyorezo cya Covid-19 giterwa na Coronavirus.

Yagize ati”Guverimnoma yafashe umwanzuro w’uko abaturage baguma mu rugo iyindi minsi 21 bikazatangira ejo Tariki 15 kugeza tariki 5 Gicurasi 2020. ibi biradufasha kumenya uko ibintu bihagaze. Ingamba zose zari zarafashwe mbere ziragumaho”.

Perezida Museveni yavuze ko nubwo abantu 54 bamaze kwandura Coronavirus  mu bantu 5,664, Hakiri kare kugirango Uganda yemeze ko yahashyije iki cyorezo.

BIZIMANA Desire/Igicumbi News