Umunyezamu wa Real Madrid n’umukunzi we batunguranye basezerana bambaye amapinjama

Umunyezamu wikipe ya Real Madrid witwa Andriy Lunin wimyaka 22 w’umunya Ukraine yasezeranye na Anastasia umugore w’isezerano, basezeranye mumategeko aho uyu munyezamu wa Real Madrid yagaragaye ku mafoto yasezeranye mu mategeko yambaye amapinjama.

Aya makuru yamenyekanye binyuze k’urukuta rwa Instagram rw’uyu munyezamu w’ikipe ya Real Madrid, aho yasezeraniye mu mategeko mu murwa mukuru wa Espanye ariwo Madrid.

Yanditse agira ati “uyu ni umunsi udasanzwe kandi w’ingirakamaro mu buzima bwacu. Ndagukunda.

Mu myambaro yera Anastasia w’imyaka 22, yanditse agira ati “Umugabo, ndagukunda. Umwiza w’ubuzima bwanjye.”

Ntibiramenyekana igihe uyu mu model wo kuri Instagram Anastasia n’uyu munyezamu bamaze bakundana Gusa bakaba babana mu mujyi wa Madrid.

Lunin yasinyiye Real Madrid muri 2018 avuye muri Zorya Luhansk, akaba yaratijwe inshuro eshatu. Aho yabanje gutizwa muri Leganes, Valladolid, umwaka ushize akaba yarawumaze muri Real Oviedo.

Gusa ubu yahamagawe muri Madrid nk’umusimbura wa nimero ya mbere Thibaut Courtois.

Lunin yakinnye umukino umwe utarashimishije abafana ba Real Madrid, aho Real Madrid yakuwemo mu gikombe cy’umwami hakiri kare itunguwe na CD Alcoyano.


@igicumbinews.co.rw