Urukiko rwatesheje agaciro ubusabe bwa Ingabire Victoire bwo guhanagurwaho ubusembwa
Kuri uyu wa Gatatu Tariki 14 Werurwe 2024, nibwo Urukiko rukuru rwa Kigali rwanzuye ko ihanagurabusembwa Ingabire Victoire yari yasabye riteshejwe agaciro kubera igihe arisabiye kinyuranyije n’igiteganywa n’amategeko.
Victoire Ingabire yafunzwe muri 2010 akatirwa imyaka icumi nyuma yo guhamwa n’ibyaha birimo Gupfobya Jenoside yakorewe abatutsi, Ubugambanyi ndetse no gukwirakwiza ibihuha. Ni igihano yajuririye muri 2013 kiriyongera urukiko rumukatira imyaka 15. Mu mwaka wa 20218 nibwo yarekuwe ku Mbabazi za Perezida wa Repebulika.
Urukiko rwavuze ko Iteka rya Perezida rigena imbabazi rivuga ko uwahawe imbabazi ahanagurwaho ubusembwa nyuma y’imyaka 5 uhereye igihe igihano yari yarakatiwe cyarangiriye bityo ubusabe bwa Ingabire butakiriwe kubera ko bwasabwe mu gihe kinyuranyije n’amategeko.
Bivuze ko Ingabire Victoire yemerewe gusaba ihanagurwabusembwa uhereye muri 2025 igihe igifungo cye cy’imyaka 15 yari yarakatiwe kizaba kirangiye.
@igicumbinews.co.rw
Kanda hasi ukurikire ibiganiro tukugezaho ku Igicumbi News Online TV:
About The Author
