Urutonde rw’abayobozi bafite amafaranga menshi muri Shampiyona y’u Bwongereza
Ikipe ya New Castle yo mu kiciro cya mbere mu bwongereza, ishobora kugira umuyobozi urusha abandi amafaranga muri iyi shampiyona, mu gihe ibiganiro byo kugura iyi kipe byaba bigenze neza, hagati y’igikomangoma cya Arabiya Sawudite (Saudi Arabia) Mohammed bin Salman ndetse na nyiri New Castle akaba ari companyi yitwa St James holding limited ihagarariwe na Mike Ashley ushaka kuyigurisha.
Igicumbi News yabakoreye urutonde rw’abaherwe barusha abandi amafaranga muri shampiyona y’Ubwongereza ariko mu gihe iyi kipe ya New Castle yaba iguzwe, kuko aba barabu bayiguze bahita bafata umwanya wa mbere bagacaho umuherwe uyoboye Manchester City witwa Sheikh Mansour. nguku uko urutonde rumeze duhereye ku mwanya wa nyuma.
20. Norwich City iyobowe na Delia Smith afatanije na Michael Wynn-Jones bafite miliyoni 23 z’amapawundi.
19. Burnley iyobowe na Mike Garlick afite miliyoni 62 z’amapawundi.
18. Watford iyobowe na Gino Pozzo afite miliyoni 93 z’amapawundi.
17. Sheffield United iyobowe na Prince Abdullah bin Musa’ed afite miliyoni 198 z’amapawundi.
16. Bournemouth iyobowe na Maxim Demin afite miliyoni 900 z’amapawundi
15. West Ham United iyobowe David Sullivan afatanije na David Gold bafite miliyari 1.2 y’amapawundi
14. Brighton and Hove Albion iyobowe na Tony Bloom afite miliyari 1.3 y’amapawundi.
13. Everton iyobowe na Farhad Moshiri afite miliyari 1.5 y’amapawundi.
12. Liverpool iyobowe na John Henry afite miliyari 2.1 z’amapawundi.
11. Crystal Palace iyobowe na Joshua Harris afite miliyari 2.7 z’amapawundi.
10. Southampton iyobowe na Gao Jisheng afite miliyari 3.1 z’amapawundi.
9. Manchester United iyobowe na Glazers bafite miliyari 3.6 z’amapawundi.
8. Tottenham Hotspur iyobowe na Joe Lewis afite biliyoni 3.9 z’amapawundi.
7. Leicester City iyobowe na Aiyawatt Srivaddhanaprabha afite miliyari 4.6 z’amapawundi.
6. Aston Villa iyobowe na Nassef Sawiris afite miliyari 5 z’amapawundi.
5. Wolverhampton Wanderers iyobowe na Guo Guangchang afite miliyari 5.2 z’amapawundi.
4. Arsenal iyobowe na Stan Kroenke bafite 6.8 miliyari z’amapawundi.
3. Chelsea iyobowe na Roman Abramovich afite miliyari 9.6 z’amapawundi.
2. Manchester City iyobowe na Sheikh Mansour afite miliyari 23.3 z’amapawundi
1. Newcastle United iguzwe n’aba barabu yaba iyobowe na company yitwa Public Investment Fund yo muri Arabiya Sawudite bafite yaba ihagaze miliyari 260 z’amapawundi.
Aba barabu Kandi baramutse baguze iyi kipe, biravugwa ko umuntu uri ku rutonde wa mbere mubo bagura ari uwahoze ari umutoza wa Juventus witwa Massimiliano Allegri.
DUKUNDANE Ildephonse/Igicumbi News
